Il Museu Provinciâl de Vite Contadine "Diogene Penzi" e je une struture museâl di interès
etnografic cun sede principâl li dal Palaç Altan a San Vît dal Tiliment e sezions stacadis a Manià e
Cjavàs.
Une rêt museâl slargjade intal teritori che a met in lûs lis diviersis tematichis de civiltât
contadine e la storie dal nestri passât resint.
La sezion museâl di Cjavàs, dedicade al fenomen de emigrazion furlane e a cierts aspiets dal lavôr furlan in Italie e tal forest, e je gjestide de Provincie di Pordenon par mieç di une convenzion cul
Comun di Cjavàs e impegne dut il secont plan dal prestigjôs palaç dai conts Polcenigo-Fanna,
clamât Palzàt.
Il percors espositîf si disvilupe in 12 sezions tematichis che a descrivin intal lôr complès la interie
vicende migratorie e che a proponin al visitadôr, midiant dal rûl fondamentâl des imagjinis, la storie
de emigrazion furlane e la vite dai emigrants.
Il museu cumò al è formât di plui di 1000 documents
tra letaris, passepuarts, avîs di clamade pal forest, fotografiis, diaris, manifescj, documents des
comunitâts tal forest e imprescj di vore.
No si trate dome une racuelte di ogjets, ma di un centri di
documentazion che ae conservazion al met dongje il studi e la ricercje sore i aspiets sociâi, plitics,
economics e linguistics dai flus migratoris dal Friûl e viers il Friûl.
In chest contest il museu al è
pont di riferiment regjonâl par chel che al rivuarde il teme de emigrazion e al è stât di pôc inserît
come progjet pilote intal program AMMER (Archivio Multimediale dell’Emigrazione Reionale).
Italiano
English
Furlan