Dal 1870 e fintremai sul tacâ de Prime Vuere Mondiâl, la int dal Friûl di soreli a mont, soredut chê che a steve in mont, e in te alte planure, a va a fa la stagjon ator pe Europe centrâl e orientâl soredut come purcitârs, curtisârs, taepiere, pichepiere, terazîrs, piasteliscj, mosaiciscj, sliperârs, boscadôrs, cjarpentîrs, muredôrs, faris, zovins di buteghe, minadôrs, stradarûls, manoâi.
A vegnin impleâts pe costruzion di edificis, stradis, feroviis, galariis, viadots e puints.
Lis specialitâts di mistîr che a sielzin i lavoradôrs furlans a partî de seconde metât dal 800 a dipendin des piçulis comunitâts che a vegnin a formâ lis impresis par cont che dispes a lavorin.
Lis plui impuartantis destinazions de emigrazion, europeane e par di la dal ocean, a son il risultât di saldis cjadenis di reclam, di fuarts leams jenfri particolârs teritoris di partence e di rivade.
I cantîrs di lavôr tal forest a costituissin la palestre che a permet ai furlans di imparâ un mistîr, di lâ indenant in te scjale jerarchiche dal lavôr, in Europe e par di là da l'ocean.
I furlans a cjapin la sielte migratorie cun fâ dispes imprenditoriâl.
Intraprendence e iniziativis che a van insiemi dant vite a impresis che, seont i calcui dal Ufici Provinciâl dal Lavôr di Udin, intal 1908 a son plui di 3.000.
Italiano
English
Furlan