Cjavàs al fâs part de Provincie di Pordenon e si cjate ai pîts des prealps cjargnelis.
Al di di vuê al conte cirche 1600 abitants.
Al è un paîs cenglât di plui borcs cun carateristichis tipichis furlanis. Cjavàs al fo paîs di secolârs emigrazions e proprit par chest, intal palaç Polcenigo-Fanna, cumò sede dal comun, la Aministrazion comunâl e à volût ospitâ la sezion distacade dal museu provinciâl de vite contadine "Diogene Penzi" , dedicade a "lavôr e emigrazion". Il percors espositîf al met in evidence i aspiets materiâi e lis formis sociâls culturâls de emigrazion furlane.
Cjavàs Gnûf al é leât ae cjasade dai Conts "Polcenigo", avocats de Glesie di Belun che, intal 963, l'imperadôr Oton ur concêt il Cjistiel di "Paucinicc" (cumò Polcenic) e dal non dal cjistiel pedemontan a deventin i "de Polcenigo".
La famee "Polcenigo" si divît intal 1222 in doi brancs, a Aldericuo Polcenigo i tocjin lis Vilis di Colture, San Zuan, S. Lucie, Dardâc e Budoie, a Varnerio di Polcenic invezit il Borc di Fane cul Cjistiel Mizze.
Il Borc di Fane al cjapave dentri dôs comunitâts, Fane di Sot e Fane di Sore, cheste ultime e jere ancje clamade Cjavàs.
Jenfri lis dôs comunitâts nol à mai corût mai bon sanc, di fat a son stâts diviers contrascj, forsit dovûts al fat che a Fane di Sore (Cjavàs) a primave la atuâl Glesie di San Remigji, li che al stave il Plevan che al veve jurisdizion assolude ancje sore Fane di Sot.
Intai agns che a van dal 1582 al 1604, i contrascj a si ingriviarin, e lis dôs comunitâts no forin lui in grât di cjatâ un pont di acuardi. La consecuence e fo la division des comunitâts religjosis: ane di Sore (Cjavàs) a tacà a jessi indipendent de Parochie di Fane di Sot, che a veve la sô Badie
dipendente dal Munistîr di Pompose. Cui che al jere preponût al diseve messe inte Glesie di San Martin.
Si dedûs, che in chei agns Cjavàs al puedi deventâ amnistrazion indipendent par vie che, al è di
chel timp une bole papâl di Urban III che a elencave lis Glesiis jevadis a Plêfs, e jenfri chestis e jere ancje la Plêf di Cavassio
Il Plevan al stave a Cjavàs, al jere titolâr de Plêf di San Remigji e in acuart cui Conts "Polcenigo", che a dominarin la jurisdizion di Fane par dibot sietcent agns, al podeve esercitâ ancje podê politic.
Dilunc une des numerosis incursions dai Turcs, intal 1607 un dai dissendents dai "Polcenigo", io Batta al fo fat presonîr e al fo liberât sore versament di 7.000 ducâts.
La consistent sume paiade e intacà in maniere pesante la ricjece dai "Polcenigo-Fanna" e chê date a segnà il declin de famee, che si manifestà plui a clâr intal Votcent, cuant che il palaç, residence dai Conts, daspò clamât "Palazàt" al fo vendût par jessi destinât a altris ativitâts.
Al scjars ûs dal palaç, intal 1976, si zonte il taramot che al pegiorà ancjemò lis za precaris cundizions di chê che un timp a je stade la residence dai Conts "Polcenigo-Fanna", e dome in gracie dal intervent de Sorintendence par i bens ambientâi dal Friûl Vignesie Julie, vuê o podìn amirâ inte sô maraveose grandece chel che intal an 2000 al è deventât il palaç sede dal Comun.
La origjin dal non "Cavasso", a ven da la peraule "càvàs” (gjave di piere), la denominazion di "Nuovo"/"Gnûf" a fo zontade intal 1886 (Unitât de Italie) cul Decret Reâl n. 3893, daspò de anession ae Italie di part dal Friûl e dal Venit.
Italiano
English
Furlan