"Dai terazîrs e mosaiciscj dal Friûl nissun, chi di nô, a si à interessât seriementri: nissune
istituzion di culture tecniche e je nassude intun ambient adat a profitâ di une razionâl e
moderne istruzion professionâl. No il Stât, no la Provincie, no un altri Ent al à pensât ben
di vierzi une scuele".
Intai prins agns '20, intai paîs de Pedemontane dal Friûl ocidentâl e intes ments di oms un
grum acuarts tant che Ludovico Zannini, autôr de opare Per i Mosaicisti e i Terrazzai del
Friuli, ma ancje il sindic di Spilimberc, Ezio Cantarutti, o il cav. Pietro Pellarin, a tache a
nassi la idee di creâ une scuele di mosaic.
Une scuele che, denant di un cussì grant partî di lavoranzie, ancje gjeneriche, a sedi une garanzie sigure di preparazion e che a sedi in grât di dâ ai zovins une sorte di preparazion
che a rispuindi aes esigjencis ciertis, a marcjâts dal lavôr ben individuâts.
La "Scuele di Mosaic" che, pensade par Sequal, a nas a Spilimberc intal 1922, e je
tignude in pîts de Societât Umanitarie di Milan, che a contribuìs ae fondazion cun dîsmil
francs.
Fint dal 1921, il Comissari da l'Emigrazion, par cont so, a organize numerôs cors par
l'istruzion professionâl dai emigrants: par muredôrs e cementiscj a Montreâl, Davian,
Tumieç, San Denêl, Sacîl, Budoie, San Vît dal Tiliment e Travês; par i terazîrs e i
mosaiciscj a Manià, Midun, Fane Cjavàs, Travês e Spilimberc.
Cun cheste iniziative, il Comissariât e i Delegâts provinciâi de emigrazion a vuelin no
dome insegnâ lis nozions teorichis dal mistîr, ma soredut a vuelin certificâ la
predisposizion al lavôr di cui che a vûl lâ vie.
Italiano
English
Furlan